Oct. 17, 2013 – Anperè Anperè

travay Frantz Louis,

A FreeHaitiMovement post honoring Haiti’s founding father – Janjak Desalin (born, September 20, 1758, assassinated Oct. 17, 1806)

***

Anperè Anperè
travay Frantz Louis

 

Anperè Anperè
(okazyon 17 Oktòb 2013)

Yon bann anvayisè-ravajè
ak yon kolonn mèsenè-malfektè
ke w te kouri dèyè
retounen sou bannyè obsèvatè-misyonè
ki vín pote lapè ak lapriyè

Aristokrasi-tilititi
makwali-mafwezi mafouyi-bandi
anvayi Ayiti-cheri
pou bikini pari-patifi
ki pèdi
nan ensandi
lakoloni

Bakonyè-banbochè
militè-pwofitè
sèvi ak revolvè
pou kraze konbit popilè

L’oni achtèd-figi
kouri-vini-baydefi
pou endividi-lafanmi
pa sòti pran lari

Kolaboratè-sankaraktè
ak bèkèkè-bègwè
pito fè reskiyè anbasad-etranjè
pou relasyon pèpè
olye yo ede plantè-peyizan kiltive latè

Salopri-sipèfli malis-distri
kou petevi-malapri
ki soufri maladi-malkadi
soutni sovajri-absoli
koutwazi diplomasi-Vanpi

Doktè san fwontyè
ak direktè dispansè
ap fè lavant-ozanchè
ak ògàn viktím tranblemanntè

Ekonomi Ayiti bèl-anti
depafini
kou emoraji-enprevi
nan dòmi

Lesivyè Latibonit pa al larivyè
paske envestigatè-volontè
deklare maladi-kolera se zak-enpòte militè-Nepalè
kap plede mennen fanmi-nou yo nan simityè

Konpayi-famasi blanchisri-modi
founi
kolibri-peyi
asid-batri preskri
kòm ji
pou gagari gwo aprmidi

Pwofitè-woulibè
piyajè-granmanjè-vòlè
refize fè rabè sou menm yon pòmdetè
pou pa amelyore lavichè

Afranchi-mimi
monte pri maÿi
monte pri diri
monte pri pitimi
monte pri lanmori
inatandi-inavèti
nan episri-poulayri
sou lari

Pwoletè tankou pwofesè
byenfetè analfabè
ak defansè chomè
tankou òganizasyon-popilè
ap konbat abizè
tankou mandatè-koriptè

Foumi-enstwi
ki tap travaydi
pou bougonmaÿi epòk-diktati
pran soufri-èni
nan fè-jalouzi
kont demografi-lavidi

Pwomotè-Livpriyè predikatè-blofè
ap manje lòbstè-ankè
nan komès resite Nòtrepè pa kè
pou ajiste malere ankòlè
nan mizè-razè

Endistri-tewoloji
chita jwe nan lespri apovri-malnouri
pou dezini
kreyati Ayiti-bèl-tifi

Eli Eli lema sabaktani?

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s